в актогае -11
USD 386.44
EUR 428.37
RUB 6.06
Мобильная версия

Жаңалықтар

 

 

 

02 Қазан 2019 Ұстаздар марапатталды

Елімізде қазанның алғашқы жексенбісі – мұғалімдер күні. Ұстаз – ұлт пен ұрпақ үшін қасиетті ұғым. Шәкірттерін білім нәрімен сусындатып, адамгершілік рухта тәлім-тәрбие беріп, жақсы қасиеттерді бойына дарытуда мұғалімнің еңбегі зор. Міне, сондықтан да елімізде ұстаздар күні қарсаңында мұғалімдерге құрмет көрсетіп, үздіктерін марапаттау дәстүрге айналған. Мереке қарсаңында Ақтоғай ауданы ұстаздар қауымын қошеметке бөлеп, құрмет көрсетті.


02 Қазан 2019 Бүгін аудан әкімдігінің кіші залында мұғалімдердің кәсіби мерекесіне орай ресми қабылдау өтті.

Бүгін аудан әкімдігінің кіші залында мұғалімдердің кәсіби мерекесіне орай ресми қабылдау өтті. Кәсіби мерекеге білім саласындағы ерен еңбегі үшін бір топ аудандық ардагер – ұстаздар қатысты. Мерекелік қабылдауға қатысқан аудан әкімінің орынбасары А.Аманжолов барша ұлағатты ұстаздарды атаулы мерекелерімен құттықтап, ұрпақ тәрбиелеудегі мұғалімдердің зор қызметін атап өтті. Жиын соңында ұстаздардарға сый-сияпаттарын табысталып, сый-құрмет көрсетілді


01 Қазан 2019 1 қазан күні аудандық ардагерлер үйінде Халықаралық қарттар күні аталып өтті.

Аудандық ардагерлер үйінде дастархан жайып, аудан басынан ауылдық округ қарттары, зинетке шыққан, Ақтоғай ауданына еңбегі сіңген бір топ қарт ардагерлері бас қосты.
Мерекелік шарада аудандық мәслихат хатшысы Р.Әбеуов сөз алып, - үлкенді сыйлау, оларға құрмет көрсету – ата-бабадан келе жатқан салтымыз. Сіздердің өмірлік тәжірибелеріңіз бен ақыл- кеңестеріңіз, тәлім-тағылымдарыңыздың біз үшін орны бөлек. Себебі, әрқайсыларыңыздың ауданымыздың өсіп-өркендеуіне қосқан үлестеріңіз бен еңбектеріңіз ерен. Талай жасты тәрбиелеп, ізбасарларыңызды өсірдіңіздер. Бүгін, еңбектеріңіздің зейнетін көріп отырған шақта да Сіздер ұрпақтарыңызға игілік пен ізгіліктің, пайым-парасаттың үлгісін танытудан жалыққан емессіздер, баршаңызға мықты денсаулық, көтеріңкі көңіл күй, ұзақ ғұмыр тілеймін, деп қарттарға ізгі тілектерін арнады.


01 Қазан 2019 Сарышаған кентінде 1 қазан Халықаралық қарттар күніне орай өткізілген іс-шараның ақпары

Қазақ халқы ерте кезден ақсақалы мен ақ шашты ананы қадірлегені соншалық, ақ киізге орап, көтерген екен. Бүгінде біздің аталарымыз бен аналарымыз да сондай құрметтен кем емес. Орны – төр, қатары – алдыңғы сапта. Қарттарымызды құрметтеу және қадірлеу мақсатында 1 қазан Халықаралық қарттар күніне орай Сарышаған кентінде жүргізілетін іс-шаралар жоспары бекітіліп, ұйымдасқан түрде өткізілді. Іс-шараны өткізу мақсаты: адамзат бойындағы үлкенді сыйлау, кішіге қамқор болу қасиеттерін арттыру және қарияларды құрметтеу.
​2019 жылдың 1 қазаны күні сағат 11:00-де Мәдениет үйінде «Ауылдағы қария-ағып жатқан дария» атты кентіміздің қарттары үшін арнай мерекелік концерт ұйымдастырылды. Кентіміздің әкімі Р.И. Наурызбаев және Ардагерлер кеңесінің төрағасы Ж.Магзумов және қоғамдастық ұйымының төрағасы Р.Бокишев қарттарымызды атаулы датамен құттықтап, ізгі тілектерін білдірді. Мерекелік концертті кентіміздің өнерлі жастары мен мәдениет үйінің қызметкерлерімен ұйымдастырылды. Концерт барысында кентіміздің жеке кәсіпкерлерінің демеушілігімен кішігірім сыйлықтар берілді.


25 Қыркүйек 2019 Партияның Ақтоғай аудандық филиалының төрағасы қоғамдық қабылдау өткізді

Аудандық «Nur Otan» партиясы ғимаратында аудан әкімі , аудандық «Nur Otan» партиясы филиалының төрағасы С.Әбеуова 24 қыркүйек күні жекелеген ауыл тұрғындарымен кездесіп, қоғамдық қабылдау жасады.Қабылдауға алдын-ала жазылған жас кәсіпкер А.Төлеухан, көпбалалы ана А.Сыздыкова келіп өздерінің мәселелеріне қатысты сұрақтарын қойды. Тұрғын үй мәселесі бойынша және жеке кәсібін ашу үшін берілетін көмектер жайлы сұрақтармен келген азаматтарды аудан басшысы мұқият тыңдап, барлық мәселелеріне толық жауаптар қайтарды. Қойылған сұрақтар аясында мекеме басшылары шақыртылып, мәселені түбегейлі шешуге тапсырмалар жүктеді. 


24 Қыркүйек 2019 Ақтоғай ауданы бойынша түрлі деңгейдегі мамандық, лауазым, кәсіп иелері диагностикалық және сертификаттық тестілеу жұмыстарына қамтылуда.

Қазіргі уақытта «Қазтест» жүйесі арқылы анықталатын мемлекеттік тілді В1 (орта) және С1 (жоғары) деңгейінде меңгерген мемлекеттік қызметшілер мен мемлекеттік қызмет көрсету мекемелері қызметкерлерінің үлесін арттыру мақсатында тиісті жұмыстар жүргізіліп, аталған тестілеу жұмыстарына жыл сайын Ақтоғай ауданы бойынша түрлі деңгейдегі мамандық, лауазым, кәсіп иелері диагностикалық және сертификаттық тестілеу жұмыстарына қамтылуда.


23 Қыркүйек 2019 Ауданымызға қарасты Сәуле елді мекенінде Қазыбек Нұржановтың 100 жылдық мерейтойына арнап батыр атында саябақ ашса, сол жерге «Көкбөрі Керней баба» қоғамдық қайырымдылық қорының ұйымдастыруымен батыр ұрпақтары аталарының ескерткішін орнатып, тарихи із қалдырды.

Биыл Кеңес Одағының батырлары, жерлестеріміз Қазыбек Нұржанов пен Нұркен Әбдіровтің 100 жылдығы. Сол асқақ рухтың, ерен ерліктің үлгісін кейінгі ұрпаққа паш ету – бүгінгі аға буынның парызы. Осы мақсатта кеше Қарағанды қаласында Кеңес Одағының Батыры Қазыбек Нұржановтың есімін жеңіл атлетика монежіне беріп, мемориалдық тақта орнатты. Қарағанды қаласында өткен шара туралы жоғарыда жазғанбыз.
Батырға деген құрмет бүгін туған жері Ақтоғай ауданында жалғасты. Ауданымызға қарасты Сәуле елді мекенінде Қазыбек Нұржановтың 100 жылдық мерейтойына арнап батыр атында саябақ ашса, сол жерге «Көкбөрі Керней баба» қоғамдық қайырымдылық қорының ұйымдастыруымен батыр ұрпақтары аталарының ескерткішін орнатып, тарихи із қалдырды.


22 Қыркүйек 2019 Сарышаған кентінің Теміржол көшесіндегі орталық алаңында 2019 жылды 22 қыркүйегі күні ауыл шаруашылығы жәрмеңкесі ұйымдастырылды

Кенттің Теміржол көшесіндегі орталық алаңында 2019 жылды 22 қыркүйегі күні ауыл шаруашылығы жәрмеңкесі ұйымдастырылды.

Жәрмеңкеде кент тұрғындары азық-түлік өнімдерін нарықтық бағадан 10-15 %-ға төмен бағамен сатып алу мүмкіндігіне ие болды.

 
 


21 Қыркүйек 2019 Сарышаған кентінде күзгі маусым мерзімінде 1 айлық санитарлық тазалық бойынша 21 қыркүйекте облыстық сенбілік жүргізілді.

Сарышаған кентінде абаттандыру, санитарлық тазарту, көркейту, көгалдандыру жөніндегі күзгі айлықты өткізу шаралары туралы мәлімет

Сарышаған кентінде күзгі маусым мерзімінде 1 айлық санитарлық тазалық бойынша 21 қыркүйекте облыстық сенбілік жүргізілді. Сенбілікке кенттегі 20 мекемеден 200 адам мен 2 арнайы техникалар жұмылдырылды. Жиналған аумақ 20 га құрады. Сенбіліктер мен қоса апта сайын «Таза бейсенбі» күндері мекемелердің аумағында жүргізілуде. Күл-қоқысты ауладан тыс, көше бойына төктірмеу, жеке меншік үйлердің иесімен күл-қоқысты шығару жөнінде келісім-шарт жасау, әр үйдің иелері аулаларын реттеу, жөндеу, сырлау бойынша ауыл халқымен 3 рет жиындар өткізілді. Айлықтың жүргізілуі кезінде тұрғын-үйлердің, мекемелердің жанындағы шығарылмаған күл-қоқыстарды тазартуды қадағалау, шара қолдану, айыппұл салу үшін ПБ полиция қызметкерлері рейдтар откізуде . Талапқа сай емес 2 күл қоқыс орындары жойылды.


20 Қыркүйек 2019 Қарағанды қаласының жеңіл атлетикалық манежі енді Ұлы Отан соғысы кезінде ерлік көрсеткен жерлесіміздің есімімен аталады.

Қарағанды қаласының жеңіл атлетикалық манежі енді Ұлы Отан соғысы кезінде ерлік көрсеткен жерлесіміздің есімімен аталады. Спортшылардың өтініші бойынша нысанға Кеңес Одағының Батыры Қазбек Нұржановтың есімі берілді.

- Біздің жерлесіміз Ұлы Отан соғысының майдан даласында ерлік көрсеткен. Белоруссияның Волковыск қаласын алған ұрыстарда Қазақстандық жауынгер қатты жараланып, далалық госпитальда қайтыс болды және Деречин ауылы маңындағы бауырлас зиратқа жерленген. Қазбек Нұржанов өз өмірін Отан үшін, балалардың бақыты мен қариялардың тыныштығы үшін қиған жан. Ол кезде сарбаз небәрі 25 жаста болды. Біз батырларымыздың ерлігін ұмытпауымыз керек, - деді Қарағанды облысының дене шынықтыру және спорт басқармасының басшысы Дмитрий Карпов.
Салтанатты шараға ардагерлер мен жастар жиналды. Олар жерлес батырымызды бір минут үнсіздікпен еске алды. Сөз сөйлегендер жаңа ұрпақты патриоттық тұрғыда тәрбиелеу үшін ержүрек ата-бабаларымыздың ерлігін есте сақтаудың маңыздылығы туралы айтты.
Қазақ батырының есімі Беларусь жерінде әлі күнге дейін құрметтеледі, деп атап өтті кездесуге қатысушылар. Жеңіл атлетикадан олимпиадалық резерв БЖСМ басшысы Нұрлан Түсіпов 1978 жылдан бастап Волковыскіде Қазбек Нұржановтың кубогына жеңіл атлетикадан дәстүрлі турнир өтетінін еске салды. Қарағандылықтар да осы жарыстарға қатысады, енді міне өздері де Қазбек Нұржановтың мемориалын орнатуға бастамашы болды. Ертең батырға арналған шара Қазыбек Нұржановтың туған жері Ақтоғай жерінде жалғасын таппақ.


Страницы: 12345
E-GOV - Электронное правительство Республики КазахстанУзнать больше
Карта района